2017 г. — 190 гадоў з дня нараджэння Уладзіслава Юльянавіча Малахоўскага (1827–1900), інжынера, аднаго з кіраўнікоў паўстання 1863–1864 гг. у Польшчы, Літве і Беларусі
Уладзіслаў Юльянавіч Малахоўскі нарадзіўся ў 1827 годзе ў маёнтку Маце Стрыгаўскай воласці Кобрынскага павета Гродзенскай губерні (сёння ад маёнтка нічога не засталося, паблізу ёсць вёска Мацы Тэвельскага сельсавета Кобрынскага раёна Брэсцкай вобласці). Пасля хатняга навучання юнак набываў веды ў Свіслацкай гімназіі, якая адкрыла дарогу ў свет многім славутым людзям Беларусі. Закончыў Пецярбургскі інстытут інжынераў шляхоў зносін, быў накіраваны ў Вільню на будаўніцтва чыгункі.
4 ці 16 студзеня 2016 г. – 190 гадоў з дня нараджэння Рамуальда Людвікавіча Траўгута (1826–1864), ваеннага дзеяча, генерала, аднаго з кіраўнікоў паўстання 1863–1864 гг. у Беларусі і Польшчы
Рамуальд Людвікавіч Траўгут нарадзіўся 4 студзеня 1826 года ў вёсцы Шастакова Брэсцкага павета (цяпер Камянецкага раёна Брэсцкай вобласці). Прадзед Рамуальда, першы з роду Траўгутаў, – выхадзец з Саксоніі, – паявіўся ў Польшчы ў першай палове XVIII ст. і перадаў сваім нашчадкам нямецкае прозвішча.
2015 г. – 190 гадоў з дня нараджэння Францішка Юндзіла (1825–1865), аднаго з кіраўнікоў паўстання 1863–1864 гг. на Беларусі і ў Польшчы
Францішак Юндзіл нарадзіўся ў 1825 годзе ў фальварку Югалін Слонімскага павета (цяпер вёска Югалін Івацэвіцкага раёна Брэсцкай вобласці) у небагатай шляхецкай сям’і. Яго род належаў да шляхецкага герба “Лебедзь”, які бярэ свой пачатак на мяжы XIV–XV стст.
2 лютага 2013 г. – 175 гадоў з дня нараджэння Кастуся (Канстанцiна Вiкенцiя Сямёнавiча) Калiноўскага (1838, Гродзенскi пав. – 1864), рэвалюцыянера-дэмакрата, аднаго з кiраўнiкоў паўстання 1863–1864 гг., мыслiцеля, публiцыста, паэта
Канстанцiн Калiноўскi нарадзiўся 2 лютага (па старым стылi 21 студзеня) 1838 года ў в. Мастаўляны Гродзенскага павета (цяпер тэрыторыя Польшчы).